五月天 I Love You 無望 / 麥來亂

Gō͘-goe̍h-thiⁿ 五月天

I Love You I bô-bāng
I Love You 無望

sī lí ê hêng-iáⁿ kiò góa ta̍k-kang chòe bîn-bāng
是你的形影　叫我逐天作眠夢
bāng-tiong khó-ài ê lâng, i m̄-sī pa̍t-lâng
夢中可愛的人　伊不是別人
góa ê múi chi̍t-kang, chi̍t-hun-cheng iā bē-tàng khin-sang
我的每一天　一分鐘也不當輕鬆
lí sī gún ài ê lâng, chiong gún lâi hì-lāng
你是阮愛的人　將阮來戲弄

káu-goe̍h ê hong teh chhoe, ná ē kôaⁿ kàu sim-koaⁿ té
九月的風底吹　哪會寒到心肝底
hi-bāng piàn bô-bāng, koat-tēng góa ê chi̍t-sì-lâng
希望變無望　決定我的一世人

I LOVE YOU bô-bāng, lí kám sī chit-khoán lâng
I LOVE YOU 無望　你甘是這款人
bô hoat-tō͘ lâi chòe-tīn, iā bô hoat-tō͘ chiong gún pàng
沒法度來作陣　也沒法度將阮放
I LOVE YOU bô-bāng, góa tio̍h sī chit-khoán lâng
I LOVE YOU 無望　我就是這款人
góa sin-khu bô pòaⁿ-hāng, chí ū tùi lí ê su-liām
我身邊無半項　只有對你的思念
pôe-phōaⁿ góa ê múi chi̍t-kang
陪伴我的每一天

mài lâi loān 麥來亂

ba̍k-sái kiâm, khàu kah ba̍k-sái bōe kiâm
眼淚鹹 哭到眼淚 不鹹
kòe chi̍t-kang, thiàⁿ chi̍t-kang,
chi̍t-kang chhin-chhiūⁿ chi̍t-tang
過一天 痛一天 一天親像 一冬
kòe chi̍t-tang lí iū chhōe gún khai-káng
過一冬 你又找阮 開講
lí kóng lí, lí siūⁿ góa,
góa ê chi̍t-tang lóng bô chhái-kang
你說你 你想我 我的一冬 攏無採工

siōng kiaⁿ lí kóng lí iû-goân su-liām
koh-chài hō͘ gún hi-bāng
最怕你 講你猶原思念 擱再給阮希望
siōng kiaⁿ lí kóng lí ài góa
sim koh phòa-khang, góa koh soaⁿ-pang
最怕你 說你愛我 心擱破洞 我擱山崩
tiān-ōe góa mā m̄ chiap
chhōe góa, góa mā m̄ chhap
電話我也不接 找我我也不睬
mài lâi loān, bô-iân ê lâng
mài koh lâi loān, khì ài pa̍t-lâng
麥來亂 無緣的人 麥擱來亂 去愛別人

chin kám-siā, kám-siā lí ê pôe-phōaⁿ
真感謝 感謝你的 陪伴
chū Pîn-tong, kàu Ke-lâng kiâⁿ-kòe chiah chōe bí-bāng
自屏東 到基隆 走過這多 美夢
bāng chhíⁿ liáu, lán sī bô-iân ê lâng
夢醒了 咱是無緣 的人
pài-thok lí mài hôe-thâu
mài koh mn̄g góa ba̍k-kho͘ ná âng
拜託你 麥回頭 麥擱問我 目眶怎紅

ūi chóaⁿ-iūⁿ góa ná chiah pe̍h-ba̍k
góa ná chiah pn̄g-tháng ah
為怎樣 我奈這白目 我奈這飯桶 啊
bêng chai-iáⁿ lí sī chiah hûi-hiám
á-koh o̍h bōe-hiáu siám
明知影 你是這危險 啊擱學不會 閃
pàng-tio̍h lí kā góa ê chheng-chhun
kā góa ê seng-oa̍h lóng thiah chia̍h ji̍p pak
放著你 甲我的青春 甲我的生活 攏拆吃入腹