[Holo(非母語)]馬英九總統發表除夕賀歲談話影片向國人拜年－台語版

[Holo(非母語)]馬英九總統發表除夕賀歲談話影片向國人拜年－台語版
http://www.youtube.com/watch?v=24De3lHYuhc

Koh-ūi tiān-sī-ki thâu-chêng ê hū-ló hiong-chhin ta̍k-ke hó.
Sin-nî kiong-hí.

Kin-á-ji̍t iū-koh sī ta̍k-ke ha̍p-ka thoân-îⁿ ê
sî-chūn, Eng-kiú tī chia kā ta̍k-ke pài-nî,
kiong-hí, kiong-hí.

Mā beh hiòng kui-nî thàu-thiⁿ[kui-nî thang-thiⁿ] tī chit-ê thó͘-tē phah-piàⁿ ê Tâi-oân jîn-bîn piáu-ta̍t kèng-ì.

Tâi-oân chit pòaⁿ-nî lâi siu-tio̍h
choân sè-kài keng-chè éng-hióng,
seng-oa̍h u khah pháiⁿ-kòe.
Tān-sī
"phah tn̄g chhiú-kut, tian-tò ióng".
Lán iā m̄ thang sit-bōng.

"Jîn-seng ū sî khí, ū sî lo̍h"
Tâi-oân siā-hōe
ū chin hó ê keng-chè ki-chhó͘.
Lán chèng-hú
mā ū chò chin chē
lô͘-le̍k.

Lán ū lô-pó nî-kim,
mā ū kok-bîn nî-kim.
Chòe-kīn iū-koh hoat-chhut siau-hùi-kǹg,
hō͘ ta̍k-ke kòe
chi̍t-nî hó-nî.

Lán chèng-hú iū-koh beh chò "Aì Tâi Cha̍p-jī-hāng kiàn-siat".
Phah hó ki-chhó͘,
tán keng-khì piàn hó ê sî-chūn,
lán tō ū hó ê ji̍t-chí
thang-hó kòe

Tâi-oân sio̍k-gí kóng
"
chhiū-thâu khiā hō͘ chāi, m̄ kiaⁿ chhiū-bóe chò hong-thai
"

Koh-ūi hū-ló hiong-chhin,
ta̍k-ke tùi ka-kī ài ū sìn-sim.

Tâi-oân lâng kóng "ài piàⁿ chiah ē iâⁿ, saⁿ-hūn thiⁿ chù-tiāⁿ,
chhit-hūn khò phah-piàⁿ"

Chí-iàu hiaⁿ-tī chi̍t-tiâu sim, o͘-thô͘ mā ē pìⁿ n̂g-kim.
U7 kan-khó͘-thâu chiah ū khùiⁿ-oa̍h-bóe.

Eng-kiú ǹg-bāng tī chit-ê thoân-nî ê ji̍t-chí,
mā sī lán Tâi-oân thoân-kiat ê ji̍t-chí.
Ta̍k-ke chhiú khan chhiú,
sim liân sim, phah-piàⁿ hiòng-chêng kiâⁿ.

Chòe-āu,
chiok lán Tâi-oân pó-tó ta̍k-hāng lóng hó.
Sū-lông-kang-siong, pak-ngia̍p heng-ong.

Chòe-āu,
chiok ta̍k-ke
ha̍p-ka thoân-îⁿ
kòe hó-nî.

Kám-siā ta̍k-ke.